Palestra nuk e fshin ditën në karrige

Qëndrimi ulur ose shtrirë për orë të gjata quhet sjellje sedentare. Mendohet se rrit rrezikun e sëmundjes së zemrës, të goditjes në tru, të diabetit të tipit 2, dhe të shtimit të peshës. Departamenti britanik i shëndetësisë e ka quajtur moslëvizjen një «vrasës të heshtur». Provat për këtë po shtohen, nuk janë një vendim i mbyllur për çdo njeri.

Shumë të rritur kalojnë më shumë se shtatë orë në ditë ulur, në punë, në rrugë ose në kohën e lirë. Pas 65 vjeç, dhjetë orë ose më shumë, dhe kjo është grupmosha që rri më gjatë pa lëvizur. Pika që befasoi është kjo: mund ta plotësosh synimin javor të ushtrimit dhe prapë të mbetesh në rrezik, nëse pjesën tjetër të kohës je ulur ose shtrirë.

Prandaj nuk mjafton të shtosh një orë në palestër. Duhet edhe të shkurtohet koha ulur, për ty dhe për familjen. Çdo ngritje në këmbë hyn në këtë llogari.

Përmban informacion të sektorit publik, të licencuar sipas Open Government Licence v3.0. Ky tekst është përshtatje në shqip. Nuk është tekst zyrtar i faqes së NHS.