Pse bëhen vaksinat, te fëmijët dhe te të rriturit

Vaksinat mbrojnë nga sëmundje të rënda që i shkaktojnë viruset, si gripi dhe COVID-19, dhe bakteret, si tetanozi, difteria dhe kollëza. Imuniteti që japin është më i sigurt se ta kalosh sëmundjen. Për disa vaksina, përgjigjja e imunitetit është edhe më e mirë se ajo që lë vetë sëmundja.

Ato mbrojnë edhe të tjerët. Kur shumë njerëz janë të vaksinuar, sëmundja përhapet më vështirë. Kjo quhet imunitet i komunitetit. U shërben sidomos atyre që nuk mund të vaksinohen: njerëz me imunitet të dobët, me alergji ndaj vaksinës, ose foshnja të sapolindura.

Si fëmijët, ashtu edhe të rriturit i bëjnë vaksinat sipas kalendarit, i cili tregon cilat vaksina, sa doza dhe kur. Vaksinat janë të sigurta. Para se të miratohen, kalojnë prova dhe vlerësim të gjerë të sigurisë. Faqja flet për miratimin në Shtetet e Bashkuara. Kalendari që ndjek një familje është ai i vendit ku jeton.

Burimi: MedlinePlus, National Library of Medicine. Ky është përkthim i përmbledhjes së lirë të MedlinePlus. MedlinePlus nuk e ka bërë përkthimin dhe nuk mban përgjegjësi për të.